Drag A2 é un documental que narra de forma dinámica as historias de Javier Sánchez, coñecido artisticamente como Meiga-i, personaxe creado por Javier hai non moito tempo que nace da combinación do folclore e da cultura tradicional galega co transf
Abandonada no medio do rural galego unha muller debe sobrevivir tras descubrir que a súa cabeza foi encofrada con cemento.
Martín, logo de residir en diferentes cidades, vai vivir á casa de aldea do seu avó recentemente falecido, onde pasaba os veráns da súa infancia. Atópase coa soidade e cunha rutina da que non consegue saír.
A avoa de Uxía perdeu a memoria. Con todo, unhas vellas fotografías dunha viaxe da súa mocidade parecen traerlle bonitas lembranzas.
Alicia está obsesionada. Metéuselle na cabeza que é aburrida, ou que está aburrida, ou quizais simplemente que todo é aburrido.
Lois sofre un accidente que desorganiza a súa vida. Como consecuencia deste suceso inesperado, descobre que a súa muller quere abandonalo.
A memoria é o que nos define pero tamén pode esvaecerse co tempo. É paradoxal como o bo prescribe rápido e o malo perdura máis na nosa memoria.
A vida de Filomena esta tinguida de pobreza e dunha triste sombra de calamidade e tormento. Os terribles acontecementos da súa infancia, nunha aldea galega de finais do século XIX, marcarán o carácter da súa existencia.
Teresa é unha adolescente peruana que estuda o bacharelato en Galicia e se sente soa. A súa familia non poderá voar desde Perú a España para celebrar con ela o Nadal debido á crise política do país.
Un día normal. David está deitado no sofá vendo a súa serie favorita: unha fantasía cristiá, mentres Sandwich Cat está a facer o seu. David vai ao baño... e cousas estrañas comezan a suceder, como tremores e apagamentos.
Tres estudantes quedan encerrados no instituto. Saír do edificio converterase nun pesadelo. Horror High School é unha homenaxe ás películas de terror adolescente.
Antonio, un home maduro e elegante, fala por teléfono coa súa amante Nuria, unha muller nova e explosiva. Esta di que lle ten preparada unha sorpresa: cumprirlle a súa maior fantasía sexual.
A Terra non se asemella en nada ao que era. Os devastadores efectos dunha grave crise climática decimaron a poboación e deixaron o mundo nos seus cimentos.
Dous antigos compañeiros de colexio atópanse despois de trinta anos. O que parece unha casualidade vaise turbando, para converterse nunha situación cada vez máis e máis estraña.
Unha familia de cinco membros cambalea tras a morte dunha muller: nai, esposa, nora, cuñada... Unha situación que rompe o núcleo familiar e o deixa baixo a responsabilidade dunha nena de doce anos.
Morte e o meu Avó é unha curtametraxe de narrativa diverxente que habita entre a ficción e o documental para propoñernos unha reinterpretación da figura da Morte.
Baixo unha gran nube gris nun día de chuvia, Porfiria (72 anos), venezolana radicada en España, e Oriana (22 anos), influencer tamén venezolana e nai solteira, cociñan xuntas arepas mentres esperan a chegada de Daria (27 anos), unha médica ucraína
Unha carta a Mariví Villaverde, filla do alcalde republicano da vila onde nace a remitente, que con 14 anos se ve obrigada a exiliarse por culpa do golpe de Estado. Teñen as súas vidas algo que ver?
Víctor regresa á súa aldea natal na procura de atoparse a si mesmo. Illado e perdido na súa propia mente, necesita con urxencia dunha rede que o saque das profundidades.
Tras moitas horas de traballo na barra dunha discoteca, unha galega e unha andaluza, compañeiras de traballo falan das súas frustracións e o seu cansazo con refráns típicos da súa terra. Ambas falan do mesmo en idiomas distintos.
Nun monte de Vigo apareceu o corpo sen vida dunha muller. A policía baralla a hipótese de que sexa outra vítima dun asasino en serie. Psychoshower é unha homenaxe a Hitchcock e á famosa escena da ducha de Psicose.
«Vestixio», do latín vestigium, significa «rastro, descanso», pero tamén «investigar».
Tras a morte da súa nai enferma de Alzheimer, a vida de Luís crébase en anacos. Na procura de reencontrarse con asuntos do pasado e consigo mesmo para reconstruír o presente, viaxa co seu irmán Suso á casa na que viviu a súa nai.
Antón sae do cárcere para coidar do seu pai na aldea. Lois, sobriño do home que Antón atropelou e matou conducindo ebrio anos atrás, só pensa en vingarse del.
Nun punto sen determinar do Río Miño, seica polo norte de Galicia, un neno-sardiña cruza a corrente deixando atrás as persoas que festexan o seu enterro pola fin do Entroido.
José é un vendedor ambulante desordenado e caótico que sufriu un duro golpe emocional. Agora, debe atopar o seu camiño e poñer a súa vida en orde.
Dodo xira en torno a tres personaxes que se atopan dentro dun universo inmersos nun bucle. Cada vez que unha persoa entra neste universo, un elemento introdúceos no bucle multiversiano, intercedendo así no seu futuro.
Un fotógrafo que vive nun hotel de estrada accede en segredo, todas as noites, ás habitacións de novos hóspedes para sacarlles fotos mentres dormen.
Un home de mediana idade vive no seu vehículo tras quedar sen traballo e afastarse da súa familia. Despois dun tempo vivindo nesa situación, o mesmo home empeza a quedar sen recursos para poder comprar os alimentos necesarios para vivir.
Rosalía de Castro guíanos nesta curtametraxe polo seu universo literario, presentándose a sí mesma como unha muller determinada a facer unha carreira literaria na que desenvolver a súa liberdade de pensamento e creación.
Unha persoa desdóbrase para dialogar consigo mesma e explorar a súa identidade. A parte luminosa dun ser humano enfróntase á súa parte escura; esa que habita nas sombras e que acubilla o monstro que todos levamos dentro. Quen son?
Nunha cafetería, Artur e Antía chatean nos seus móbiles. A storie dunha amiga de ambos nunha rede social desencadeará unha forte discusión sobre a empatía, a soidade e a influencia das redes sociais nas súas vidas. Unha historia de enganos...
Un grupo de amigas está a facer unha curtametraxe cando lles entra a fame. Mais ninguén esperaba que cando unha delas fose buscar uns froitos secos, esta recibiría unha mensaxe estraña que a levaría a unha viaxe por todo o multiverso.
Marah goza dunha vida tranquila nunha vila onde comparte todo cos seus veciños. Coa chegada da súa filla Enia, a primeira nena que coñecen os seus habitantes, as cousas complícanse e a paz do pequeno paraíso vese comprometida.
Curtametraxe documental no que se narra, mediante as palabras de Elena, diversos aspectos da vida cotiá na Galicia da súa mocidade.
Nunha casa, pequena e illada nunha zona montañosa, Loto coida do seu irmán Ulises, que sofre un grave trastorno psicomotor que lle dificulta os movementos.