Sinopsis
Celia (35) é unha muller que vive encerrada no seu negocio, unha antiga tenda de licores, e no seu matrimonio con Ramón. Todos os seus días son iguais, limpando, regando as súas plantas e mirando pola xanela coa arela de que alguén chegue e cambie o seu destino. Hoxe é outro día igual que o de onte coa diferenza de que Ramses, un desgraciado vaqueiro con sede de vinganza, irromperá na vida de Celia coa intención de saldar unha antiga conta con Ramón. Ramses cambiará o destino de Celia, que, movida polos feitos, se atreverá por fin a abandonar a súa vida de fastío e escoitar os seus desexos máis profundos.