Sinopsis
Última parte da Triloxía de Human Disposal que comeza con On Oblivion e a incesante procura de resistencia nas brumas de Liquid Modernity. Logo lanzamos (SUB)Imersa, coa proposta de sacar a relucir a nosa memoria perdida. E agora aparece Diáspora, con imaxes capturadas en Pernambuco, Brasil e Portugal. A película narra a viaxe de autocoñecemento de Bitita, un personaxe inspirado en Carolina María de Jesús. Na procura de raíces e de restablecemento de lazos ancestrais, Diáspora ten como elemento central as augas tranquilas e doces de ríos e fervenzas, onde se imaxina unha posible comunicación a través de espellos, que reflicten a mesma luz a ambos os dous lados do Atlántico.